Tahun Alah Baru, Parangai Masih Lamo.......

Tahun Alah Baru, Parangai Masih Lamo.......

Riak Danau Solok News   00:00

Tahun Alah Baru

 Prilaku Masih Lamo.......

            Walau alah ampia sapakan mainjak tahun baru 2017, namun masih banyak prilaku buruak tahun 2016 lalu nan masih tingga  dek masyarakaik, pajabaik jo anggota dewan nan masih alun bisa barubah.

“Awak sangek baharok Kabupaten Solok nan kito cintoi ko, labiah maju dari tahun-tahun sabalumnyo. Sarupo harapan apak Bupati jo Ketua DPRD awak. Jan samo pulo tahun baru ko jo tahun 2016 lalu. Kok samo, kecek agamo marugi awak nah nakan,” jaleh Mak Malin Sampono ka Andy Bule, mambuka ota di lapau politik milik Da Indra, nan indak jauah dari Tugu Ayam Arosuka, Rabu sore kapatang.  “Tantu iyolah, Mak! Kok samolo tahun baru ko jo tahun nan sudah-sudah, yo cilako awak mah, Mak. Kok bisa, prilaku awak di dalam nagari barubah handaknyo. Sudah tu, disiplin PNS awak labiah tinggi dan loyalitasnyo malayani masyarakaik iyo jo senyum manih dan panuih sapo dari pado tahun lalu. Jan diangkek jadi pajabaik, alah bak kato awak lo nan rajo. Jabatan tu kan hanyo amanah dan untuak malayani masyarakeik, bukan malah untuk minta dilayani lo,” jawek Andy Bule, sambia mambaleh WA dari kawannyo di nan tingga di Batam yang mananyoan harago bareh Solok salomo musim hujan ko. “Batua sakali nah nakan. Kok tahun lalu para PNS masih main gim jo duduak di kantin pado saat jam karajo, mako tahun kini kebiasaan tu barubah handaknyo. Atasan harus manegus bawahan nan salah dan bawahan harus patuhi jam karajo. Sudah tu harus ado sanksi nan kareh untuk para PNS dan apak dewan nan indak disiplin,” jawek Mak Malim Sampono, sambia mahiruk rokok kreteknyo nan kasapuluah dalam satu jam terakhirko. Maklum sajo, selain cuaca Arosuka nan dingin, sudah tu ditambah hujan turun indak baranti alah hampia sabaluan terakhirko. “Satuju bana mah, Mak Malin! Kapatangko alah balantik lo pajabaik eselon duo jo tigo untuak mampakuek roda pemerintahan. Kabanyo urang nan dilantik iyo lai banyak urang nan dakek jo Bupati dan Wakil Bupati. Kok urang tu salah, apak Bupati kan bisa mambaga urang tu langsuang,” sambuang Andy Bule, nan tangannyo amsih sibuk manakan tuts Hape mambaleh WA kawannyo dari Batam tu. “Kok banyak urang dakek Bupati jo Wakil Bupati sarupo dunsanak jo rang sumando atau kaum karabat nan diangkek, itu KKN namonyo mah nakan. Pi KKN alah dilarang dek pemerintah pusek. Beko tibolo apak KPK di tampek awak, tu jaleh awak juo nan kamalu,” sambuang Mak Malin Sampono, sambia matonyo tatuju mancaliak berita Sidang Ahok yang didakwa menista agamo Islam dar sebuah tivi swasta. “Lho, kok urangnyo lai mampu dan berkompeten, apo salahnyo, Mak! Tantu samo wak caliak dalam saratuh hari karajo pejabaik baru ko lu. Sudah tu kalau ndak mampu, Bupati harus barani memecat urang nan indak loyal tu,” jaleh Andy Bule, sambia manyemba goriang angek nan baru tibo di mejanyo.

          “Sabanyo apo makna tahun baru dek nakan, ko! Patangko amak caliak, banyak nan gaek-gaek pai merayakan tahun baru di tapi Danau Singkarak dan bergabung lo samo nan mudo-mudo,” ucap Malin Sampono sambia matonyo mancaliak ka jalan raya nan masih diguyur hujan labek. “Nan jaleh bana, tahun baru 2017 ko, jauh labih baik dari tahun 2016 lampau. Kalau awak saurang petani, pasti baharok agar hasil panen tahun iko labiah rancak dari tahun lalu. Jikok pagawai, selain mau naiak pangkat, tantu sumangek karajo jo tingkek kahadiran harus diutamokan.  Kalau anak sikola, tahun lalu kelas satu SMP, mako tahun kini pasti berharap naiak ka kelas duo,” tutur Andy Bule sambia sakali-kali mancaliak berita bola di KORAN PADANG nan alah manajdi.

            “Kok anak sikola satu ka nasik sikola dulu itu alah biaso mah, Ndy. Indak lucu do! Tapi nan paralu bana barubah di tahun nan baru ko, iyo parangai apak-apak dewan awak, parangai masyarakaik o parangai PNS harus barubah. Sarupokecek surek kaba Koran Padang nan awak baco patangko, baa pegawai nan sering bolos tahun patang tu rajin masuek tahun kini. Baitu juo, baa apak-apak anggota dewan nan acok kalua daerah tahun lalu, mako tahun kini apak-apak tu lebih sering manjapuik aspirasi masyarakat di daerah asal pemilihannyo,” jaleh Astra, nan dari tadi sibuk manonton tivi. “Kalau itu ambo satuju nah. Jan hanyo waktu kampanye se rajin turun ka bawah, giliran wak kamangduan masalah, apak-apak dewan tu indak nampak batang iduangnyo lai,” terang Andy Bule, tampak saketek akur jo Astra, nan biasonyo manjadi lawan kareh kongsi angek***

Cuaca Buruak, Indak Bisa Manongkang

Cuaca Buruak, Indak Bisa Manongkang

Riak Danau Unknown   00:49

Oleh : WANDY

Cuaca Buruak, Indak Bisa Manongkang

            “Mak, dalam duo pakanko, iyo sabana indak bisa awak mancaliak matohari. Hujan turun dari sanjo sampai sanjo lo baliak. Cuaca tu bana-bana nan indak basahabat, sampai karajo awak banyak nan tatunda,” kecek Andy Bule ka Mak Malin Sampono, mambukak ota di lapau politik milik Da Indra, kawasan Kayu Aro, persis di muko kantua Bupati Solok, Rabu kapatang.

            “Batu mah nakan, amak se ka pai baralek ka rumah sumandan Sabtu kapatang, indak jadi pai. Sabek hujan ndak baranti dari pagi sampai sanjo ditambah lo jo angin kancang. Iyo sabana tahambek langkah awak dek hujan ko,” jawek Mak Malim Sampono, sambia maaduak teh sarok nan alah baliau pasan dari tadi. “Nan labiah parahnyo, padi si Amir nan alah masak dan siap batongkang, kini alah maraok se ka sawah. Baa lo kamanongkangnyo, hari tu bana nan indak basahabat, hujan se siang malam. Sudah tu, angin kancang alah mambuek ekonomi awak jadi lumpuah,” tarang Andy Bule, nan tangannyo indak lapeh dari HP sambia mangetik balasan WA dari kawannyo di Padang nan mananyoan harago bareh sokan di Solok salamo musim hujan ko. “Itulah nakan, indak padi si Amir se nan alah ranum di sawah do, padi mintuo nakan yolah rabah se kini mah. Baa lo kamanongkangnyo, hujan tu bana nan indak baranti. Sudah tu, yo ibolo awak dek dunsanak awak nan punyo taranak, hujan-hujan harus manyabik rumpuik. Jawi jo kabau tu indak mau peduli, mau hujan atau paneh, nan inyo tetap minta makan. Inyo indak mau tau, apokoh majikannyo sadang bacakak jo bininyo atau sadang mamikian biaya anak sakola,” jawek Mak Malin Sampono satangah bagarah. “Itulah, Mak Malin, nan bedo bana kalau taranak  alah gadang, beko ado nan mancilok. Indak paduli urang basusah payah manyambik bahari-hari. Maliang tu tetap se tutup mato, nan pentiang inyo bisa mancilok. Mau jawi urang susah atau urang kayo,” carito Andy Bule, kasinan kamari. “Itulah, Ndy! Kok bisa aman sarankan kamaliang tu, jan lah mampasusah urang nan susah. Ibo awak dek dunasanak awak nan mahabehan taranak urang, mereka hanyo sakadar maharoakan komisi untuak sakadar tambah-tambah pitih balanjo untuak anak bini, tapi malah malapeh hao dek ulah urang maliang taranak nan pancilok tu,” jaleh Mak Malin Sampono sambia mahiruk rokonyo dalam-dalam.

            “Kok bisa amak manyarankan ka maliang tu, bararti amak tau sia nan maliang Jawi salamo ko. Tamasuak jawi jo kabau Tek Iyar nan ilang wakatu hujan kapatangko.  Kalau ndak, baa lo amak ka maagiah saran ka maliang tu,” sela Astra nan dirinyo sibuk menyaksikan ramainyo masyarakat Indonesia yang mendatangi Stadion Pakansari Bogor menyaksikan final Pila AFF antaro Indonesia jo negara gajah putiah Thailand. “Muncuang ang tu sakadar malambai se mah Astra. Kok urang Minang ang tu mangarati jo ereng dan jo gendeng, tau jo kato mandaki jo manurun. Maksud Mak Malin tu, baliau kan ikut prihatin, kok ado jo niek urang maliang kamancilok, jan lah harato urang susah juo nan diintai. Ibo awak dek inyo. Alah susah kanai maliang lo lai,” jaleh Andy Bule, masuah babuyutan Astra. “Bia selah, Ndy! Amak tau, caro manarimo nasehat dari masiang-masiang awak babeda. Mungkin Astra laun faham kecek amak tadi lai,” tarang Mak Malin Sampono, urang gaek nan bahati mulia, sambia manyambuang rokok kretek nan alah manajdi kawan setia Mak Malin Sampono ***

Takicuah Dinantarang

Takicuah Dinantarang

Riak Danau Unknown   00:36

OLEH: WANDY

   

Takicuah Dinantarang

    “Baa kok buruak bana manuang Amak kini ko. Apo ko gerangan nan tajadi, apo amak sadang sakik atau sadang ado masalah jo mintuo ambo di rumah?,” tanyo Andy Bule, ka Mak Malin Sampono, sarupo biaso mamulai ota katiko duduak-duduak di lapau politik milik Da Indra nan indak jauah dari Tugu Ayam, muko kantua Bupati Solok, Rabu kapatang.

            “Baa lo kok indak kaburuak manuang amak dek nakan, ko!. Amak manunggu urang kamambayia utang, keceknyo hari kini kadibayianyo. Tapi alah nak tabanam lo matoari, nan puncak iduang urang tu alun juo tampak lai. Padohal sajak patang alah tigo kali mungkie. Mano Hapenyo dimatian pulo. Itu kan pitih dapua jatah mintuo nakan nan amak salangan ka urang tu. Keceknyo hanyo duo tigo hari. Tapi sampai kini alah tigo pakan alun juo nyo bayia lai. Dan hari kini yo bajanji lo kamambayia bana. Tapi nyatonyo alun juo tibo lai,” jawek Mak Malin Sampono, nan wajahnyo tampak muruang dek manunggu urang kamambayia utang. “Andeh, Mak! Kok manunggu urang kamambayia utang nan amak arokan, itu iyolah takicuah di nan tarang amak nah. Urang kiniko, wakatu maminjam iyo lunak gigi dari pado lidah. Tapi alah dapek kandaknyo, inyo akan maleh bayia utang alias purapura indak tau se. Nan labiah anehnyo, awak nan malu basobok jo inyo. Tapi kok urang tu niek kamambayia, indak paralu amak manunggu sampai seso lo dek pitih surang. Kok bisa lain kali, yo caliak-caliak bana urang nan kadisalangan pitih lu mak!,” kecek Andy Bile satngah bapasan ka Mak Malin Sampono, nan sarupo biaso, tangannyo sibuk mamencet hape, mambaleh WA dari kawannyo nan tingga di Jakarta nan mananyoan ikan bilih dari Danau Singkarak kok alah mulai jarang ado di pasa. “Itulah nakan! Urang tu mambana datang katampek mak, kaonyo inyo paralu pitih untuak mambayia julo-julo. Sapakan inyo kamambaliakan pitih amak, sabeknyo kadapek julo-julo. Tapi alah hampia tigo pakan, pitih amak alun juo nyo pulangan lai. Padohal amak ka paralu pitih untuak mintua nakan. Kok indak di pulangannyo, bisa-bisa dapua indak baraso dan mintuo nakan pasti mambalakang lalok ka mamk,” garah Mak Malin Sampono, nan mulai galak ketek dek takana kebiasaan bininyo kalau talambek maagiah pitih balanjo akan basikap monyong kayak bemo Mandra nan ado di Film Si Doel Anak Sekolahan.

            “Urang kini banyak nan diagiah kaepercayan barkianat, mak! Kalau bajanji acok maleset dan bakato suko baduto. Dikecekan munafik, bekonyo berang pulo ka awak. Padohal itu agamo nan mangatoan. Kalau urang nan manyalang pitih tu jujur, pasti alah tibo maantaan ka amak. Kok urang Islam bukan kafia, nan dipacik yo keceknyo. Kok indak, alah samo jo nan bakaki ampek nah, Mak!,” baleh Andy Bule, nan tabao lo esmosi dek ibo mancaliak Mak Malin Sampono. “Aalah, masak dek pitih awaak surang, kapalo awak lo nan pusiang. Makonyo lain kali kok ado nan manyalang pitih, caliak-caliak bana urang lu, Mak! Kok manyalang pasti wajah urang tu sedih kayak di sinetron-sinetron mah. Giliran mamulangan, ogah. Makonyo lain kali, kok ado juo rang nan manyalang pitih amak, kecekan sajo indak ado lai! Bialah dikecekan urang pilik, dari pado awak sangsaro dek harato awak surang,” sela Astra nan dari tadi sibuk main catua jo Da Indra sipemilik kadai. “Iyo nah Astra, sabanyo ati kaciak amak juo mangecekan barek manyalangan ka urang tu. Tapi dek raso ibo dan inyo manyalang sabanta, amak tantu paco yo sen. Tapi kini inyo pamainkan pulo amak. Olala lai nakan!,” jawek Mak Malin Sampono sambia mambaka rokok kretek kasukaannyo, nan dari tadi di puta-puta se ditangan kanannyo***

Padi Dek Mancik Bawang Dek Kabuk

Padi Dek Mancik Bawang Dek Kabuk

Riak Danau Unknown   22:18

WANDY

Padi Dek Mancik Bawang Dek Kabuk

            “Yolah sabana parah ekonomi masyarakat awak kini, Mak! Daya bali masyarakat sabana lamah, rupiah alah samakin tapuruek pulo dek Dolar Amerika. Antah kabaa hiduik awak kamungko lai,” kecek Yuang Dede, ka Mak Jisan, katiko maota-ota sadang duduak manunggu salat Ashar di kadai kopi milik Mak Atin, Kawasan Jarbat, Rabu kapatang.

            “Apo maksud waang kini go, Yuang! Carito ekonomi parah, tapi kok lah sampai pulo ka carito Dolar bagai?,” tanyo Mak Jisan, baliak batanyo ka Buyuang Dede, sambia maaduak kopi nan baru inyo pasan. “Maksudnyo mode iko Mak! Tadi awak ka pasa Solok, indak biaso-biasonyo pasa raya Solok tu langang do! Tapi setelah awak carito kian kamari jo para pedagang, apo penyebab pasa langang, ternyato ado pangaruah anjloknyo harago pitih awak dek dolar tu, iyo sangek gadang. Sudah tu, para patani awak gagal panen pulo, kalau padi iyo dek manciak, samantaro petani bawang jo tanaman mudo lainnyo rusak pulo dek kabuk asap. Baa lo indak kaparah dek amak du!,” jawek Buyuang Dede, sambia manyaloan rokok kretek kesukaannyo. Oo, kalau mode tu, amak kini alah mangarati maksud wang mah! Sabanayo tando-tando ekonomi masyarakat lamah, indak di pasa Solok sajo kini nan langang do. Di pasa Raya Padang kalau hari alah malam, pasti akan langang pulo,” jawek Mak Jisan, sambia bagarah ka Buyuang Dede. Maklum duo urang tu, antaro serius jo bagarah susah mambedekannyo. “Kalau malam indak pasa raya Padang sen nan langan do, Mak! Pasa Minggu Guguak tu langan pulo mah, mak!,” kecek Buyuang Dede indak mau kalah.

            “Kalau padi dek mancik, seharusnyo Dinas Pertanian awak turun ka sawah jo kaladang mambantu para petani mencarikan solusi, baa urang nan gagal panen tu bisa di bantu. Baitu juo tanaman bawang jo tanaman mudo lain nan kanai dek kabuk, harus ado solusi dari dinas, apokoh dibantu pengadaan bibit atau bantuan lainnyo. Bukankah kalau petani ada prestasi, nan dapek penghargaan adalah Bupati atau Kadisnyo nan dipanggia ka istana. Tapi kalau sarupo kini, kama urang-urang tu?,” sela Kak Teri, nan dari tadi serius manonton tivi nan mancaritoan masalah kawin sajenis di pulau Bali. “Bana apo nan Kak Teri sampaian tu mah. Anggaran di Dinas Pertanian tu gadang, tapi kabanyo urang nan karajo di Dinas tua alah banyak nan main proyek. Jabatannyo digunakan untuak mencari keuntungan pribadi sajo. Dapek proyek nyo agian ka dunsanak atau rekanan nan bisa diajak kongkolingkong. Sudah tu nyo manarimo fee sajolai,” jawek Yuang Dede, nan mangarati bana masalah proyek, sabek inyo lamo sato proyek banda multiyer yakni pembangunan Batang Aia Sungai Batuang.

            “Kalau yang main proyek tu indak di Dinas Pertanian sajo do, Yuang! Di SKPD mano se, tamasuak di Dinas Pekerjaan Umum, Pendidikan, Kesehatan dan lain sebagainyo, itu alah menjadi rahasio umum nah. Apolai sempat jadi Kabid atau Kadis, mako sangat gadang peluang untuak maatur dan main proyek mah!,” baleh Mak Jisan, sambia manyambuang rokoknyo nan alah tapuntuang. “Manga pulo urang dinas tu kadipagunjingan tu. Mambuek doso awak se mah. Indak kadis atau kabag nan salah do! Tapi manga awak indak namuah sakola dulu surang-surang. Ko indak, alah manjadi kadis pulo mah,” sela Upiak Nane, bini Atin nan sadang manarika baju, tapi tetap mengupiang carito Mak Jisan jo Buyuang Dede. “Kok jadi pagawai jan bacarito pulo kau lai, Piek! Mau hujan atau paneh, mau dek manciek padi atau rusak bawang dek musim kabuk, nan PNS tu tetap aka manarimo gaji panuah di akhir bulan, kecuali nan manggadekan SK,” tarang Mak Jisan, sambia minta pamit ka urang saisi lapau, maklum alah tadanga azan salat Ashar dari surau Jarbat***

Atlet Dayuang Manggok

Atlet Dayuang Manggok

Riak Danau Unknown   10:01

WANDY

Atlet Dayuang Manggok

            “Ndy, amak danga dari carito urang, kabanyo tim dayuang Porprov awak mamanggok dan pulang labiah capek dari pado cabang olahraga lain dari Padang, apo kolah panyabeknyo tu, nakan, kok bisa mamanggok mode tu?,” tanyo Mak Malin Sampono, sarupo hari biaso wakatu mambuka ota di lapau milik Da Indra, muko kantua Bupati Arosuka.

            “Batua itu, Mak Malin. Kabanyo kecek palatiah dayung tu,  atletnyo kurang diperhatikan dek KONInyo, Mak!. Tapi kecek urang KONI nan awak baco di KORAN PADANG, inyo indak pernah maanak tirikan cabang olahraga do. Antah sia nan batua atau nan salah, nan jaleh ulah tim dayuang tu alah jaleh mancorengkan arang di kaniang Kabupaten Solok mah, Mak!,” jawek Andy Bule, sambia tangannyo sibuk mamencet tuts HP mambaleh WA dari kawannyo nan pai demo pembelaan agama ka Jakarta. “Kurang diparatian baa ko nakan, apo tim dayuang tu indak dapek jatah sarupo cabang olahraga lain. Atau pitih tu alah dimakan dek pangurusnyo sajo,” tarang Mak Malin makin panasaran dek carito Andy Bule. “Kok masalahh tu yo ndak tau awak do Mak Malin. Labiah rancak ditanyo se kapalatih atau pangurus dayuang tu, apo inyo indak dapek uang saku wakatu di Padang atau pitih nan diagiah dek KONI tu alahnyo makan se dek palatihnyo,” jawek Andy Bule nan matonyo sibuk kalayar handphone manunggu baleh WA dari kawannyo tu.

            “Kok bisa, urang olahraga tu yo barsikap jentelmen atau manjunjuang sikek sportivitas nan tinggi handaknyo. Kok ado masah, kan labiah rancak dibicarakan elok-elok jo KONI. Hari gini kok  masih manggo-manggok, malu dong samo anak PAUD,” jaleh Mak Malin Sampono dengan bahasa gaulnya. “Tapi kalau awak sadari lo, tantu ado lasan tim dayuang tu pulang labiah dulu dari Padang. Bisa se salamoko memang KONI indak mamparatikannyo atau ado palatiah nan batinnyo tasakik dek pengurus KONI, awak kan idak tau do,” jaleh Andy Bule. “Itu batua nakan, kok rancak kan pai ka Padang basamo-samo, pulangnyo tantu harus basamo pulo. Kok ado masalah, beko alah bakumpua baru dicarikan solusinyo. Tapi kok mode kapatang tu, nan pasti nan kadapek malu jaleh Kabupaten Solok juo. Sabek di koran-koran alah rami mambaritakan. Itupun alun tamasuak nan di posting di Facebuk jo ota di lapau-lapau lai,” jaleh Mak Malin Sampono sambia mambaka rokok nan dari tadi masih diputa-puta ditangannyo.

            “Iyolah Mak Malin, kok bisa masalah tim dayuang jo KONI ko capek salasai. Jan sampai balaruik-laruik lo, sarupo persoalan nan tajadi di tubuah KONI kapatangko,” baleh Andy Bule. “Aaalah, manga pulo urusan urang awak cikaroi, rancak karajo awak se di urus. Masalah KONI jo tim dayuang tu indak kasalasai dek ota lapau ko do,” sela Astra, nan dari tadi sibuk nonton tivi para ormas bajalan kaki manuju Jakarta. Biasonyo Astra main catue jo Da Indra, tapi dek Da Indra ado paralu manjapuik anaknyo ka Bandara Minangkabau, tapaso Astra manonton tivi se di lapau sambia manunggu Da Indra Pulang. “Tonton sela tivi tu dek waang, carito kami ko indak tamakan bagai dek utang ang do,” baleh Andy Bule ka Astra nan diikuti suaro galak gadang dek Mak Malin Sampono***

Balikan Palajaran PMP di Sakola

Balikan Palajaran PMP di Sakola

Riak Danau Unknown   19:54

OLEH: WANDY

Balikan Palajaran PMP di Sakola

            “MAK, wak baco di KORAN PADANG, hampia satiok hari berita penangkapan narkoba kini. Kok modeko yolah sabana rusak moral anak bangsa. Manuruk amak, sia kiro-kiro nan batangguang jawek masalah iko go?,” tanyo Andy Bule, ka Mak Malin Sampono, sarupo biaso, sambia mambuka ota di lapau politik milik Da Indra, Kawasan Kayu Aro, Rabu kapatang.

            “Kok iko pertanyaan nakan ko, yo sabana sulik mamak manjaweknyo. Sabek baa lo mamak kamanyalahan urang satu perciek, masalah narkobako iyo alah menjadi tangguang jawek kito basamo. Indak sikola, walinagari, camat, ustad, pemerintah daerah, presiden tamasuak jo Andy bagai. Sabek kabanyo pemakaian narkobako alah marambah sampai katingkek bawah. Tamasuak di Ranah Minang ko sendiri,” jawek Mak Malin Sampono, sambia mahisok rokok kreteknyo dalam-dalam. “Tapi kok saparah iko peredaran narkoba, sampai manusuak masuak ka kampuang-kampuang, tantua awak paralu waspada jo anak kamanakan awak. Jan sampai terjerumus lo ka lembah narkoba tu. Kok paralu wak curigai gerak-gerik anak-anak mudo kito nan acok baprilaku aneh. Awak indak manuduah do, tapi wak paralu waspada,” tarang Andy Bule, nan ikut bana prihatin mancaliak maraknya peredaran obat-bat terlarang ko dikalangan generasi muda dan juga tua.

            “Tapi manuruk amak, nan paralu bana ditakankan kapado anak ponakan kito adalah, pataba paga diri jo ilmu agamo. Ajaan kaanak-anak, hormati nan tuo, jan sampai mudah tarayu dek bujukan urang. Sudah tu, di sakola-sakalo paralu bana baraja Pendidikan Moral Pancasila dan pendidikan agamo. Bia bangsa awakko bamoral baliak,” jawek Mak Malin Sampono, nan tangannyo tampak mauleh rokok nan tingga puntuangnyo sajo. “Apo manuruk Mak Malin panyuluhan narkoba nan acok di lakukan dek pemerintah jo pihak kepolisian sarato BMN indak efektif?,” ujar Andy Bule, bak tanyo wartawan sebuah televisi swasta nan sadang mewawancarai salah seorang pakar narkoba. “Panyuluhan tu tantu ado gunonyo. Namun nan paralu bana, mental para pejabat dan penegak hukum sarato guru paralu dibenahi. Sudah tu, apo satiok diri awak alah batanyo, jo apo anak awak diagiah makan. Maksud amak, apo lai jo pitih halal atau haram anak awak tu diagiah makan. Kok jo pitih haram, jan disalahkan anak-anak baprilaku indak elok. Sabek manuruk agamo, kalau masalah harato atau pitihko, di akherat bana ado duo pertanyaan. Dari ma pitih awak dapek, untuak apo digunoan,” tarang Mak Malin Sampono panjang lebar.

            “Batua kecek Mak Malin tu mah, Ndy! Pitih atau harato nan wak dapek kini, bisuak kalau mati kaditanyo sumbernyo dek malaikat. Makonyo pitih urang jan pitih awak juo. Harato urang bukan harato awak. Indak main hantam kromose do,” sela Astra, nan dari tadi sibuk main catur jo Da Indra. “Alah, waang indak faham nan kami diskusikan ko do, Astra. Karajo awak alah jaleh surang-surang. Rancak ang urus bini waang nan banyak tu. Iko carito urang gadang-gadang mah,” jawek Andy Bule, musuah babyutan Astra.

            “Pokoknyo, mulai kini wak agiah anak ponakan awak nasehat, jan sampai satolo tajun ka narkoba. Kok ado urang nampak mamakai atau mangedarkan narkoba, capek laporan ka polisi atau ka walinagari. Itu mungkin lebih efektif,” jaleh Mak Malin Sampono, nan dijawek dek Andy Bule sambia maangguak-angguak tando mangarati***

Halaman Riak Danau: Wakatu Baputa Taraso Capek

Halaman Riak Danau: Wakatu Baputa Taraso Capek

Riak Danau Unknown   01:26

OLEH: WANDY

Wakatu Baputa Taraso Capek

            “Iyo taraso capek bana wakatu baputa kini yo, Ndy! Rasonyo kapatangko awak mamiliah Bupati jo Wakia Bupati baru, tau-tau kini alah nak satahun se lai,” kecek Mak Malin Sampono, mambuka ota di lapau Da Indra, nan indak jauah dari Tugu Ayam, Arosuka, Rabu sore kapatang.

            “Itulah, Mak Malin! Kapatangko awak masih sibuk kampanye, tapi kini alah satahun se Bupati manjabat. Apoko lah batando dunia samakin tuo, Mak?,” jawek Andy Bule, nan baliak batanyo ka Mak Malin. “Iyo juo mah nakan, namun aratinyo awak dituntuk untuak labiah banyak maranuang. Kapatangko abuek amak masih itam kasadonyo. Kini malah banyak nan putiahnyo nan mancogok. Bararti ko alah kode alam mah, Ndy untuak urang nan bapikia!,” jawek Mak Malin Sampono, sambia mambaka rokok kretek nan alah manjadi kawan setianyo. “Itulah Mak, Tuhan juo alah manyabukan, baraso pagantian siang jo malam atau tahun ka tahun, iyo tadapek tando-tando kekuasaan Allah di dalamnyo. Tapi yo masih banyak diantaro awak nan kurang menyadarinyo. Zaman kiniko, banyak diantaro awak nan alah sibuk maurus dunia se, samantaro kapentingan akirek bakasampingkan. Padohal awak tau, dunia ko hanyo pasinggahan. Jabatan jo pitih banyak, tamasuak bini rancak, sifatnyo pimjaman dan hanyo samantaro. Alah tibo wakatunyo, yang punyo pasti manjapuik,” tarang Andy Bule, anak muda nan faham banyak saketek faham bana jo agamo.

            “Amak yo bangga punyo nakan sbagai anak mudo nan punyo wawasan tinggi, baik ilmu pengetahuan mapun tantang agamo. Kok bisa awak iduik ko iyo baraka, kok mati yo bariman. Tantang Tuhan babuek sakandak ati, alah tampak bana contoh dek awak, kapatangko rasonyo baru tajadi longsor di kampuang awak Lubuak Salasih, samalam alah tajadi lo baliak longsor di Aia Batumbuak. Kok dipikia-pikia, kahandak Tuhan indak ado awak nan tau surang juo do,” jaleh Mak Malin panjang leba.

            “Itulah Mak, awak ko hanyo manusia biaso nan diciptkan untuk manyambah kapado Tuhan. Tapi kini banyak urang nan manyambah kapajabek, hanyo untuak mandapekan pangkek jo kadudukan. Dan itu sangek banyak tajadi kini, Mak!,” carito Andy Bule, sambia mambaleh WA kawannyo di Jakarta nan mananyoan pakambangan pancarian musibah longsor  di Aia Batumbuak.  “Sadang lai acok amnyamabah kaatasan, indak juo naiak pangkek do, apolai kok indak manyambah, tantu kamode tu se nasib urang tu,” sela Astra nan dari tadi sibuk main catua jo Uda Indra pamilik lapau politik. “Samolo jo angkunyo, kodak manyambah kabini indak bisa kalua rumah do,” sela Andi Bule, nan diikuti galak gadang dek sesisi lapau***

Taman Kota Solok Dipercantik

Taman Kota Solok Dipercantik

Riak Danau Unknown   02:38

Taman Kota Solok Dipercantik

SOLOK, KRM - Agar lebih menarik untuk dikunjungi warga, taman kota salah satu fasilitas umum perlu dilengkapi berbagai sarana. Dengan demikian taman kota tidak saja sebagai tempat untuk bersantai, namun menjadi lokasi yang membawa banyak manfaat bagi pengunjung.

“Dapat saja taman dikembangkan sebagai lokasi tempat menambah wawaasan serta tempat belajar banyak hal bagi masyarakat,”kata Walikota Solok Zul Elfian terkait pemanfaat taman kota bagi pengunjung yang mengisi libur bersama keluarga.

Ruang Terbuka Hijau (RTH) yang berada persis dijantung Kota Solok, misalnya dapat saja dikembangkan sebagai lokasi pertunjukan berbagai bentuk kreatifitas masyarakat khususnya kalangan generasi muda. Paling tidak menurut Zul Elfian, berbagai bentuk kreatifitas apakah berupa seni budaya maupun keterampilan lainnya yang dilakoni masyarakat, akan menjadi hiburan bagi pengunjung.

‎

Dengan demikian, pengunjung akan lebih tertarik mendatangi taman kota dan taman kota juga menjadi tempat pengembangan kreatifitas bagi masyarakat. Kota Solok menurut Ia memang harus banyak menciptakan “gula” agar menarik masyarakat untuk datang.

Sehingga peluang sekecil apapun, harus mampu dimanfaatkan agar Kota Solok memiliki daya tarik bagi pengunjung. Khusus RTH yang berada dilokasi pusat perbelanjaan di Kota Solok, pengunjung pasar akan mempunyai alternatif untuk tempat bersantai maupun tempat menunggu anggotaa keluarga mereka yang tengah berbelanja.

“Untuk mendukung keinginan dan harapan tersebut, Walikota Solok Zul Elfian menekankan memang perlu ditunjang berbagai sarana pendukung. Paling tidak tambahnya dimulai dengan hal-hal yang sederhana,”jelasnya.(Van)

Tuhan Babuek Sakandak Ati

Tuhan Babuek Sakandak Ati

Riak Danau Unknown   23:28

WANDY

Tuhan Babuek Sakandak Ati

            “Mak, dalam babarapo hari tarakirko, yo alah banyak bana musibah nan tajadi di daerah awak. Apo iko manandoan hari alah dakek ka kiamek, Mak?,” tanyo Andy Bule, ka Mak Malin Sampono, sarupo biaso wakatu duduak di lapau politik milik Da Indra, kawasan Kayu Aro, ibukota Kabupaten Solok, Rabu sore kapatang.

            “Itulah, Ndy! Tuhan Sang Panguaso langik jo bumi dan sagalo isinyo, babuek sakahandak hati baliau. Sagalo musibah nan tajadi di Kaupaten Solok ko, baik musibah tanah longsor, angin kancang, hujan badai jo kecelakaan oto nan mangakibabkan dunsanak awak maningga, kasadonyo atas kahandak beliau juo. Manusia buliah barancana, tapi Tuhan nan manantukan sagalonyo,” jawek Mak Malin Sampono, nan dari raut wajahnyo masih taliek raut muruang, karano di nagari nan balaiu cintaiko dalam sabulanko, musibah tajadi siliah baganti. Bahkan alun kariang aia mato kecelakaan oto, alah tajadi lo tanah longsor jo ratusan atok rumah warga sarato kayu gadang barabahan. Ditambah pulo, Mak Malin Sampono agak ibo hatinyo mancaliak anggota dewannyo baselfie-selfie ria di lua kota di medsos, samantaro di facebook walinagari labiah banyak manfosting foto korban longsor. Dalam hati Mak Malin Sampono batanyo-tanyo, kamano painyo nurani anggota dewan yang katonyo wakil rakyat tu?. “Nan jaleh, iko pasti teguran ka awak nan masih idueikko yo, Mak! Intinyo bana, awak harus salalu mampasiapkan diri satiok saat, mancari bekal untuak kampuang akherat. Duniako hanyo ibarat palabuhan pasinggahan untuak manuju kampuang nan akherat tadi. Makonyo sabalun  kapa barangkek, awak cari bekal banyak-banyak, supayo awak salamaek dunia manuju kampuang akherat tadi. Itu kecek para ustad dan guru awak mah, Mak!,” baleh Andy Bule, sambia mambaco Koran Padang nan alah manjadi bacaan rutinnyo di lapau politik milik Da Indra. “Kalau itu bana mah, Ndy! Nan paralu bana, ijan lupo mamparsiapkan diri awak jo karajo nan elok-elok sen. Jan suko bagunjiang, mancilok punyo urang, maambiak pitih negara, mesti indak ado nan mancaliak. Tapi Tuhan pasti akan tau. Kok malang beko kan hanyo sakijok mato. Jadi, intinyo awak harus iduik bapadoman ka agamo. Agar indak tajadi salah jalan. Beko nan kamanyasa awak juo surangyo,” tarang Mak Malin Sampono, sambia maisok rokok kreeknyo dalam-dalam. “Kok itu iyo batua bana mah, Mak! Tapi alah mode iko musibah nan tajadi, kok masih banyak para dunsanak awak nan saolah indak paduli jo tando-ando alamko. Apo mungkin pintu ati para dunsanak awak tu alah tatutuik. Atau urang labiah paralu jo harato dari pado raso-raso. Kadang urang Minang kini indak mangarati lai jo ereng dan jo gendeng. Alah kalah  lo dek urang Jawa, Mak!. Tapi nan jaleh awak nan mangaratiko, jan sampai bosan lo maingekkan para dunsanak awak nan mungkin sadang kilaf tu,” kecek Andy Bule,sambia mambuka HP Androidnyo nan baru babunyi, dari kawannyo di Banten nan mananyoan lai indak ado musibah baru nan tajadi di kampuang.

            “Alah, manga pulo awak nan kasibuk mamikian musibah nan tajadi tu. Sadang Dinas BPBD awak se nan alah ditunjuak karajonyo khusus untuak menngani bencana tu, indak paduli. Labiah rancak karajo awak se nan diurus. Maojeksambia maantaan anak-anak pai sakola. Sudah tu kalau alah patang hari main catue sambia maasah utak,” sela Astra, nan sarupo biaso sibuk main catue jo Da Indra. “Yo tapi baa kabaa, awak harus paduli sasamo awak, Astra. Indak bisa awak iduik surang se do. Awak pasti butuh urang lain,” jawek Mak Malin Sampono nan minta pamit pulang, sabek bininyo tersayang alah manalepon***

Pabanyak Se Basyukur

Pabanyak Se Basyukur

Riak Danau Unknown   23:40

 Oleh :WANDY

Mari Pabanyak Basyukur       

            MAK, indak taraso sei, puaso kita hari kiniko alah masuak hari katigo. Yo taraso capek dunia ko baputa kini rasonyo mah Mak Malin,” ujar Andy Bule, katiko mambuka ota sambia manunggu babuko di lapau Da Indra, kawasan Kayu Aro Rabu kapatang.

            “Kalau awak baapuaso jo Iman dan panuah perhitungan, tantu puaso ko indak ka manjadi baban dek awak do. Nan jaleh bana, awak hanyo baganti waktu makan dan minum sajonyo. Kok bulan puaso siang kito makan, mako bulan puaso baganti jo malam. Sudah tu bulan puasoko yo bana-bana panuah berkah dan pengampunan. Sabek lalok urang puaso iyo diagiah pahalo oleh Allah,” jawek Mak Malin Sampono, sambia manyemba KORAN PADANG nan talatak di ataeh meja. “Iyo batua nah, Mak Malin. Tapi kok lalok nan diagiah pahalo tu tantu indak lalok dari pagi sampai manjalang waktu babuko do. Nan dimaksud diagiah pahalo tu adolah satelah urang tu beraktivitas sarupo biaso, sudah tunyo istirahat lalok, itu nan diberi pahalonyo. Kok dari pagi lalok sen, waktu babuko jago, itu samo sen jo indak puaso mah,” jawek Andy Bule panjang leba.

            “Tapi tahun kini awak patut basyukur, sabek dari partamo puaso hinggo patang, munsajik jo surau pado panuah. Amak sepatang dapek shaf nan paliang balakang. Sudah tu para ustad nan maagiah pangajian iyolah canggih-canggih dan terkenal. Bahkan ado nan alah masuak jadi penceramah di Surau Tivi bagai. Pokoknyo bulan puasoko wak tingkekan ibadah untuak manuju kampung halaman awak di akhirek,” cetus Mak Malin Sampono. “Satuju bana nah Mak Malin. Kok bisa dalam satiok pikirian awak ko, jadikanlah seolah-olah bulan puaso kiniko bulan puaso tarakhir dek awak, agar bisa memotivasi awak beribadah. Dan sia nan kamanjamin awak kabatamu jo bulan puaso tahun ciek lai,” cetus Andy Bule. “Makonyo, wak ajak anak kapoanakan awak sumbahyang di munsajik, bia indak bakaliarannyo hilia mudiak. Sudah tu kalau ndak awak para urang tuo jo mamak, sia nan kamanjago anak kaponakan awak. Kok guru sakola wakatunyo maaja tabateh. Anak labiah banyak jo orang gaek di rumah dari pado jo guru. Kok anak nakal, awak indak bisa manyalahan guru samato. Nan tau parangai anak awak, tantu jaleh urang tuonyo. Jadi mari salamatkan anak ponakan awak dari hal-hal indak baguno,” ajak Mak Malin Sampono. “Batua bana nah, Mak Malin!, nan jaleh bana pado bulan puasoko, mari makmurkan munsajik jo surau. Aratinyo, wak tingkekan ibadah dan bainfak pado bulan puaso, sabek pahalonyo dilipek gandakan dek Tuhan. Kok anak-anak, wak ambekan mambaka petasan dan main balap-balapan di malam hari di jalan raya,” sambuang Andy Bule.

            “Tumben Andy mangecek baco urang bana, Mak Malin. Biasonyo kamari mangalasau sen. Kini alah sarupo bana jo ustad Yusuf Mansyur nan acok di tivi tu,” sela Astra nan sadang main catua jo Da Indra, pemilik lapau politik. “Alah, kok urang hatinyo busuak, mandanga urang maota elok salah juo dek inyo. Rancak ang urus bini-bini ang nan banyak tu, sabalun inyo datang kamari mambao tangkai sapu,” jawek Andy Bule, nan disambut galak ketek dek urang saisi lapau***

Maleh Bayia Utang

Maleh Bayia Utang

Riak Danau Unknown   09:54

OLEH Ujang Jarbat

Maleh Bayia Utang

            “APO nan waang pikian, Ndy. Dari tadi amak caliak buruak bana manuang ang. Ado go masalah jo rang rumah?,” tanyo Mak Malin Sampono ka Andy Bule, karano indak sarupo biasonyo Mak Malin Mancaliak manuang Andy Bule sarupo urang habih kamatian bini.

            “Indak ado masalah jo urang rumah do, Mak! Cuman awak indak habih pikia, baa kok managih utang ka urang-urang tu susahnyo minta ampun. Indak samudah wakatunyo maminjam dulu do, lunak gigi dari pado lidah,” jawek Andy Bule, manarangkan masalah apo nan sadang dipikiakannyo. “Oo, kok masalah managih utang tu yo sabana pakaro rumik mah, Ndy!. Amak sendiri acok lo mengalami hal nan samo jo Andy mah. Sarupo waktu maminjam janji sabulan, alah satahun alun juo babayia lai. Sudah tu urang tu mahilang-ilang se. Kok batamu jo awaknyo mailak lo. Pokoknyo saribu satu caronyo menghindar,” sabuk Mak Malin Sampono dengan bahasa khas Soloknyo, sambia mambaka rokok kretek kesukaannyo. “Awak iyo sangek paralu pitih tu, Mak. Minggu bisuak adik awak kabaralek. Dulu nan wak salangan ado pitih untuak jatah dapua bagai mah. Awk dek ibo jo urang tu. Tapi kini awak pikia, alah samo lo awak jo manolong anjiang tasapik, sudah ditolongnyo gigik lo awak. Kok basobok jo awak, urang tu gayanyo acua se. Malah awak nan malu basobok jo inyo,” jaleh Andy Bule agak galak-galak rusuah mamikian pitihnyo di urang.

            “Kalau itu alah sifat kabanyakan urang nan maleh mambayia utang mah, Ndy! Padohal kalau urang nan barutang tu sadar bahwa sampainyo mati indak bayia utang, mako arwahnyo kecek para ulama digantuang antaro langik jo bumi. Bahkan di Padang Masyar nyo kamancari urang nan mautangi mah. Yo sabana barek,” tarang Mak Malin Sampono maniru gaya ustad kondang Zainuddin MZ. “Yo baalah ka aka awak dek amak Malin lai, Kok dipikia bana, dek pitih awak surang, awaklo nan paniang. Nan punyo utang indaklo tau diri do. Kok indak paralu pitih tu dek awak, indak sapaniang iko bana wak do!,” tutur Andy Bule ka Mak Malin Sampono. “Makonyo karajo jan jadi tukang keredit juo. Sudah tu manyalangan pitih ka urang indak bacaliak-caliak bana. Alah jaleh urang kabautang tu indak ado pitih pambayia, basalangan juo pitih. Kok inyo ado pitih, manga lo urang tu kamanyalang ka awak. Kan awak nan tea tu,” sela Astra nan dari tadi sibuk main catua jo pemilik lapau politik Da Indra. “Waang indak mangarati masalahnyo do Astra. Rancak ang urus se bini-bini waang tu. Manga pulo urang lain nan waang urus,” jawek Andy Bule, nan satiok mangecek selalu balawanan jo Astra.

            “Sudahlah, Ndy! Mudah-mudahan urang nan barutang tu dibukakan pintu hatinyo untuak capek mabayia utang sabalun inyo mati. Wak do’akan se semoga pintu hatinyo tabukak,” tutur Mak Malin Sampono mahibur ati Andy Bule***

Nan Angek Carito Mutasi

Nan Angek Carito Mutasi

Riak Danau Unknown   05:11

WANDY

Nan Angek Carito Mutasi

            “Carito apo nan sadang angek di Kabupaten Solok ko kini, Ndy? Amak alah lamo indak baco Koran, sabek amak alah saminggu sibuk mamparalekan kopanakan amak nan pulang dari Jawa patangko,” kecek Mak Malin Sampono, mambuka ota di lapau politik milik Da Indra, muko kantua Bupati Solok, Rabu sore kapatang.

            “Banyak carito nan angek mah Mak dalam saminggu ko. Misalnyo masalah proyek nan alun jaleh duduak tagaknyo, masalah persiapan TdS nan Kabupaten Solok akan jadi tuan rumah pembukaan atau kecek urang Grand Opening dan Grand Star nan katonyo akan digelar pawai budaya dari Kayu Aro manuju Dermaga Singkarak. Tapi sampai kini masih santai-santai juo, padohal waktu pelaksanaan TdS tinggal sekitar sapuluah hari lai,” kecek Andy Bule, manjawek pertanyaan Mak Malin Sampono. “Kalau itu indak carito angek bagai do, Ndy! TdS tu bialah nyo urus dek Dinas Pariwisata, sabek kalau wak sato, indak juo kadidangaan do. Maksud amak carito isu politik seperti Kudeta nan tajadi di negara Turki tu,” sambuang Mak Malin Sampono, sambia mangacau kopi nan baru dipasannyo. “Kalau carito sarupo di Turki tu jan sampai tajadi pulo di negara awak ko, Mak! Kok amak batanyo carito nan angek, awak danga banyak pejabat eselon II dan III nan alah maleh masuak kantua. Sabek dalam wakatu dakekko akan ado mutasi gadang-gadangan, sarupo nan awak baco di KORAN PADANG tabitan patang,” jawek Andy Bule, sambia mambaleh Catting di WAnyo, sabek kawannyo nan di Batam mananyoan harago bareh Solok jenis sokan naik di Batam.

            “Nah, kalau carito mutasi ko baru carito angek, mah Ndy. Amak danga, banyak pejabat nan masih panik apokoh dirinyo masih dipakai atau indak dek Bupati atau Wakil Bupati. Nan banyak binguang amak caliak, nan kapalo SKPD nan indak mandukuang patang, tapi kini kecek urang apak-apak tu bi malu-malu kuciang ka Bupati. Kabanyo adolo nan tarang tarangan minta jabatan,” kecek Mak Malin Sampono, sambia mambaka rokok kretek kesukannyo. “Awak raso Bupati alah tau sia urang nan basamo baliau sajak awal dan indak usah pulo awak cikaroi. Tapi itulah dunia, Mak, mancari mungko dan marayu-rayu itu biaso mah. Nan jaleh pemimpin awak indak urang bodoh do. Kok bisa, iyo sarupo kecek Mak Datuak Yem patang, nan Kapalo SKPD iyo urang asli Solok nan diutamokan, agar indak tajadi kecemburuan sosial. Sudah tu urang tu berwawasan nan menguasai dimanyo kadiduduakan. Jan sampai sarjana pertanian di angkek pulo jadi Kadis Pekerjaan Umum atau sabaliknyo, sarupo nan tajadi di Kabupaten lain. Dan indak asa dakek se do,” cetus Andy Bule, sambia sibuk mambaleh WA dari kawannyo nan di Batam tu. “Kalau usulan amak rancak nah. Sudah tu bak kecek Ketua LKAAM awak di Koran Padang, tim sukses yang mampu untuk jadi kepala SKPD harus di utamakan. Jan mereka alah bajuang siang malam, tapi kini dicampakan,” kecek Mak Malin Sampono, sambia manyambuang rokoknyo nan alah tapuntuang.

            “Masalah mutasi, rotasi dan promosi serta degradasi, wak sarahkan se ka Bupati jo Wakil Bupati. Karajo awak selah nan kadiurus. Maota banalah wak kini di lapau ko, nan apak Bupati nan tingga di rumahnyo indak juo kamandanga awak do,” sela Astra nan dari tadi sibuk mamikian kuda hitamnyo yang sadang taancam di papan catua dek pion Da Indra. “Alah anok selah ang Astra, iko carito urang gadang-gadang mah. Indak tamakan dek utang ang do,” baleh Andy Bule ka Astra, nan diikuti galak-galak ketek dek urang saisi lapau***

Roda Muatasi Baputa Juo

Roda Muatasi Baputa Juo

Riak Danau Unknown   05:07

WANDY

Roda Muatasi Baputa Juo

            “KABANYO roda mutasi alah baputa Sanayan kapatang di Pemerintahan Kabupaten awakko, Ndy! Apo infonyo yo lai bana, tu?,” tanyo Mak Malin Sampono ka Andy Bule, sarupo biaso, katiko mamulai ota sanjo di lapau politik milik Da Indra, nan lokasinyo indak jauah dari Tugu Ayam Arosuka, Rabu sore kapatang.

            “Kok awak baco di KORAN PADANG, kabanyo mutasi baru untuak pejabat eselon tigo, Mak! Untuak pejabat eselon duo, mungkin sakitar bulan Januari tahun dimungko,” jawek Andy Bule, sambia tangannyo sibuk manakan HP mambaleh WA dari kawannyo nan kini alah diangkek manjadi Sekretaris di sebuah SKPD, walau kapatangko masih batugeh di bagiang fungsional Sekretariat Daerah. Andy mananyoan bilo kawannyo tu kasertijab dan kalau bisa minta proyek sataun agak tigo. “Tapi nan jaleh, mutasi kapatang tu, saindak-indaknyo alah bisa manjawek pertanyaan babarapo urang nan salomoko alah manjadi teka teki se dek pagawai jo masyarakat. Lambek jo lamo, mutasi untuak eselon duo pasti akan baputa juo. Kalau indak, kasian pulo awak dek para tim sukses nan sajak awal alah setia mandukuang Bupati tapiliah. Nan jaleh urang-urang tu mandukuang pasti maharok suatu jabatan,” kecek Mak Malin Sampono, agak blak-blakan, maklum maota lapeh di lapau nan indak ado akan barasiko ka Mak Malin Sampono, sabek baliau tu bukan PNS dan juo bukan urang salah satu anggota Parpol. “Tapi kok bisa, pajabat nan baru dilantik tu, yo bisa mambao parubahan kaarah nan labiah baik untuak Kabupaten Solok. Wak tunggu terobosan jo inovasi urang-urang tu untuak Kabupaten Solok nan labiah baik. Salin tu, kok bisa yo amanah handaknyo,” jaleh Andy Bule, nan kini matonyo tatuju ka tivi, nan sadang mambaritakan Ahok dibela 100 pengacara tentang kasus dugaan penistaan agamo.

            “Itulah bedonyo urang kini jo urang dulu, nakan! Kok urang kini nak dapek jabatan, jiko paralu manyogok. Tapi urang dulu kalau diagiah jabatan, nyo langsuang manangih, apokoh akan sanggup mamikul jabatan itu atau indak. Sabek kalau indak amanah kalau diagiah jabatan, mako dunia akhirek cilako. Di dunia ko bisa baurusan jo hukum, di akherat bisa masuak narako pulo. Iyo sabana barek!,” jaleh Mak Malim, sambia mambaka rokok karetek nan dari tadi masih diputa-puta ditangannyo. “Kini awak baharok dan baparasangko elok se ka apak-apak atau ibuk-ibuk nan baru dilantik tu. Awak sabagai dunsanak, hanyo bisa maingekan sajo. Jadi pejabat tu adolah amanah dan jan talalu laruik jo gadang ati. Tapi kok indak amuah dinasehati, tunggu selah azab Tuhan tu amek padiah,” ucek Andy Bule, nan matonyo masih tatuju ka layar tivi nan masih sibuk mambahas aksi demo damai nan barakir rusuih tanggal ampek November kapatang***

Naik Pesawat Kini Ndak Aman......

Naik Pesawat Kini Ndak Aman......

Riak Danau Unknown   04:36

OLEH: WANDY

Naik Pesawat Kini Ndak Aman......

            CERITA tentang pemilu untuk memilih anggota legislatif, kini sudah agak sepi dan sudah mulai membosankan masyarakat Minang, termasuk bagi warga di Simpang Ojek Tugu, Koto Gadang Guguk, kecamatan Gunung Talang. Justru yang kembali kian menghangat adalah masalah hilangnya secara misterius pesawat milik Malaysia MH370, yang jatuh sejak 8 Maret 2014 lalu, dari Kualalumpur, Malaysia dengan tujuan China.

            “Baa kelanjutan cerito kapa tabang milik Malaysia tu, da! Apo memang tak bisa ditamukan kotak hitamnyo,” tutur si Ramin, yang siang itu mangkal di pangkalan ojek, Simpang Tugu sambil menunggu sewa. “Biaselah Min, mangalo itu nan kito urus. Rancaklah karajo awak se di dikakok. Sekali tukang ojek tetap tukang ojek,” sela Koyek sambil menghibur hatinya yang sedang galau, sebab makin hari sewa makin berkurang karena hampir setiap  rumah saat ini sudah punya motor bahkan mobil pribadi. Koyek juga merasa galau, karena jagoannya pada pemilu pileg kemaren, kandas semua. Jika waktu musim kampanye, masih ada caleg yang suka datang untuk menggunakan jasa mereka, seperti untuk memasang baliho dan mengedarkan kartu nama dengan memberi uang jasa yang lumayan, bahkan cukup untuk makan dua hari dengan dua orang anak. Namun Sudah satu Minggu ini sewa tampak sepi.   “Iyo juo mah da, dengan kajadian tu, banyak urang kini nan ngari naik pesawat, munkin karena takut jatuh. Mano tau kini urang babaliek mamiliah naik ojek,” tutur Ramin lagi. “Tapi kalau ka Jawakarta indak mungkin naik ojek do Min, kan lebih cepat naik pesawat atau kapa tabang. Masalah umur, rezki dan jodoh, sudah ada yang ngatur,” jelas Amran, yang dari tadi tampak asyik membaca Koran Padang yang mulai tampak lusuh, karena dibaca bergantian tentang dugaan kecurangan pengelembungan suara di salah satu nagari di Kabupaten Solok.

            “Tu bilo kaditamukan black box tu, da! Kan katonyo nan ikuik mancari pesawat tu sudah dari negara maju dengan segala teknology kecanggihannyo. Tamasuek robot bawah laut yang dikirim Amerika untuk mancari kotak hitam tu. Tapi kok sampai kini alun juo manamui titik tarang lai. Cubo kalau ado nan berani mambayia awak disiko, pasti akan awak cari basamo-samo kotak hitam du mah. Awak kan paralu pitih untuak anak ka masuek SMA  tahun kini ko, ndak da?,” tanyo Koyek sambil bagurau kepada Ramin. Namun cerita menjadi makin tampak seru, karena tiba-tiba saja Mak Uwo datang menyela smbil megalihkan cerita dan mengatakan bahwa tidak satupun caleg di nagarinya yang duduk di DPRD Kabupaten, Provinsi maupun DPR RI. “Info ko akurat mah, tadi urang KPU bana nan carito, keceknyo ndak ado urang nagari awak nan kaduduek di parlemen do. Nan taduduek iyo banyak,” cetus Mak Uwo. Bahkan menurut Mak Uwo, nagarinya akan rugi besar, kalau tidak punyo perwakilan di DPRD. “Lain kali awak minta caleg di nagari awak ko bakaco talabiah dulu. Makasuiknyo caleg yang akan maju harus maukue bayang-bayang, indak asal sato mancalek se do,” tambah Mak Uwo lagi.

            “Yolah, awak ganti tofik carito awak baliak, kalau masalah kotak hitam itu alah ado nan mancari. Tapi masalah sia-sia nan ka duduek dan nan taduduek di DPRD, awak ndak asah mangecek se do. Bialah awak manunggu pengumuman resmi dari KPU dulu,” sambuang Koyek dan dianggukan oleh yang lain***

Kesempatan Dalam Kesempitan

Kesempatan Dalam Kesempitan

Riak Danau Unknown   04:26

WANDY

Kesempatan Dalam Kesempitan

            BAGI sebahagian masyarakat Minang yang tinggal di kampung halaman, libur hari lebaran Idul Fitri 1437 lalu adalah rahmat dan berkah yang susah dilupakan, termasuk di Kabupaten penghasil bareh tanamo, yakni Kabupaten Solok. Bayangkan saja, dengan banyaknya warga Minang yang pulang dari rantau seperti Jakarta, Bandung, Riau dan beberapa daerah lainnya di Indonesia, rezeki para pedagang di sepanjang jalan melonjak sampai tiga kali lipat dari hari biasanya. Bahkan tidak sedikit pedagang musiman yang muncul untuk ikut berjualan menikmati keuntungan yang datang satu kali setahun itu.

            Hanya saja, banyak dari pedagang yang memanfaatkan kesempatan dalam kesempitan. Artinya, jika hari biasa mereka menjual dagangannya dengan harga normal, maka kali ini harga dagangan bisa dinaikan dua atau tiga kali lipat bahkan semaunya. Seperti pedagang jagung bakar yang berjualan di sepanjang jalan Padang Solok dan dari Lubuk Selasih menuju nagari Air Batumbuk atau sepanjang kebun teh PTPN VI misalnya, selama musim libur lebaran mereka mematok harga yang tinggi. Puluhan pedagang jagung bakar kewalahan melayani permintaan pembeli, bahkan terkadang pasokan jagung pada banyak yang terhenti dan tengah hari sudah habis. Betapa tidak, para pemudik yang datang ke kampung, banyak yang menghindari macet dan memilih berhenti di jalan sambil menikmati pemandangan kebun teh sepanjang nagari Batang Barus yang mempesona, sambil berfhoto ria untuk sekedar dimasukan ke facebook atau untuk dilihatkan kepada kawan-kawan di rantau sebagai bukti pulang kampung.

            Tetapi kini para pedagang jagung bakar dan oleh-oleh asli Kabupaten Solok yang dijajakan di pinggir jalan lintas Sumatera, mulai sepi pembeli. Banyak dari pedagang yang hanya melonggo di kedai mereka, sambil berharap ada pengendara yang berhenti untuk membeli dagangan mereka. “Baa uni, lah pacah talue dari pagi?,” tanyo Si Joni, seorang pedagang jagung bakar di Kelok Jariang, nagari Batang Barus yang kanan kirinya di lingkari perkebunan teh milik PTPN VI. “Alun lai, Jon! Dari pagi uni alun ado nan mambali lai. Mungkin urang urang awak alun baminat makan jaguang lai, sabab kue rayo masih banyak di rumahnyo,” jawab Uni Ida, penjual jagung bakar yang bersebelahan dengan Joni. “Tapi untuang hari rayo patang kan alun habis lai, jadi agak sapakan ndak ado nan mambali samo sajonyo,” sela Joni lagi. “Kalau dipikia-pikia, untung sapakan patang jo ndak ado jua bali salamo duo hari, samo sajo jatuahnyo mah, Jon. Kalau bisa, bialah untuang ketek, tapi awak jua bali rutin. Untuak apo mancakiak urang, kalau sudah itu awak lo nan tacakiak lai,” seloroh Uni Ida, seakan-akan mulai menyadari bahwa selama libur hari rayo, kedai jagung bakarnya diserbu pengunjung dan harga juga dinaikan semaunya saja, namun sekarang sudah dua hari, hanya ada dua orang pembeli. Bahkan Uni Ida juga berucap dalam hati, bahwa mungkin ini karma bagi dirinya. “Kalau dipikia-pikia, rancaklah awak indak manaikan harago patangko, tapi tiap hari awak bisa jua bali,” ungkap Uni Ida kepada Joni.

            “Tapi patangko kesempatan ni, kalau ndak hari rayo, bilo lo urang rantau tu kamaagiah THR ka urang kampuang,” tutur Joni kepada Uni Ida. “Lho, kalau itu ndak THR namonyo tu, Jon! Tu marampok namonyo tu!,” tutur Mak Malin, yang kebetulan berdagang air mineral disebelah Joni. “Iyo juo mah Mak Malin, rayo bisuek ko, wak ndak boleh menaikan harga lai. Mambalehnyo ka wak sarupo kini ko,” cetus Joni, yang dianggukan oleh Uni Ida tanda setuju***

Rindu Zaman Pak Harto......

Rindu Zaman Pak Harto......

Riak Danau Unknown   04:11

WANDY

Rindu Zaman Pak Harto......

            SEMENJAK Persiden Joko Widodo dilantik, berbagai persoalan muncul di negeri ini. Mulai dari penunjukan politisi Nasdem H.M. Prasetyo menjadi Jaksa Agung RI yang dinilai tidak objektif, sampai yang terakhir penunjukan Calon Kapolri, Budi Gunawan yang dinilai tersangkut masalah hukum.

            Namun berbagai komentar dan kritikan yang ditujukan kepada orang nomor satu di Republik ini dari politisi dan Lembaga Sosial Masyarakat dan oragnisasi lainnya, Jokowi tetap bertahan pada pilihannya. Bahkan Minggu kemaren terjadi kisruh, dimana akibab dinilainya calon Kapolri bermasalah oleh KPK RI, dengan ditetapkannya Budi Gunawan sebagai tersangka oleh KPK, maka pihak Polri balik membalas dengan menangkat Wakil Ketua KPK, Bambang Widjojanto, dengan tuduhan menyuruh sejumlah saksi untuk memberikan keterangan palsu di depan sidang pengadilan Mahkamah Konstitusi, pada tahun 2010.

            “Iko yo nagari sabana aneh, urang diateh nan batangka, awak lah sato lo paniang dek inyo,” ujar Datuk Sati, ketika menonton televisi di lapau Ujang Maniah, Kawasan Tangah Padang Cupak, Rabu siang kapatang. “Paniang dek apo pulo Mak Datuek tu. Terus urang diateh mano yang angku datuek maksud ko?,” tanyo Malin Marajo, ketika melihat raut muko Datuek Sati agak kusuk. “Iko, masalah tangkok manangkok nan tajadi di tubueh Polri dan anggota KPK yang rami diberitakan di tivi tu. Bantueknyo negara awakko seperti maurus sekolah PAUD sek dek urangyo. Seolah lembaga negara ko lembaga main-main. Lihat sajo, antaro KPK jo polisi saliang adu gengsi, bukan karano hasil karajo profesional,” terang Datuek Sati menjelaskan masalah yang ado dikapalonyo. “Oo, kalau masalah tu pabiaselah Mak Datuek. Itu lah ado nan maurus mah, karajo awak hanyo di ma dapue nan kabarasok dan mancari bareh duo liter, sudah tu rokok duo bungkus. Masalah di pusek tu, ndak urusan awak tudo,” sela Riswan, yang sedang asyik main koa di sabalah Datuek Sati. “Baalo kodak masalah awak dek ang Ris! Tivi ko ditonton urang banyak dan anak-anak bagai. Kalau pemimpin mode ko, apo nan kaditiru dek anak-anak. Mano hampia 24 jam siaran televisi memberitakan masalah itu sajo. Samantaro masalah kapa tabang masuek lawik di selat Karimata tu, alah mulai hilang se beritanyo. Awak ko butuh figur, saroman maso pak Harto dulu,” jaleh Datuek Sati, nan bantueknyo rasa pedulinyo masih sangat tinggi terhadap generasi penerus bangsa.

              “Batue nah mak Datuek, bia keceknyo zaman pak Harto korupsinyo gadang-gadang dengan kroni beliau, tapi barang-barang mudah awak dapek dan ado sadonyo. Kalau zaman kini, paniang awak. BBM dan harago-harago naik turun tiok sabanta. Samantaro harago malambuang sadonyo. Sudah tu, ongkos meskipun alah diturunkan dek Dinas Perhubungan, namun kenyataannyo para sopir masih mamunggut tarif lamo. Kasihan awak dek anak sikola jo pagawai honor dan masyarakat badarai,” sambuang Malin Marajo lagi. “Itulah nan amak maksud Mak Malin, disampiang etika bangsa awakko alah kurang, siaran tivi indak lo ado nan kaditiru lai. Apolai duo tivi swasta nan khusus siraran berita tu, mereka saliang balomba satu sama lain untuek manayangkan berita prilaku petinggi negara tu. Ado pulo nan mangatoan masalah KPK nan saliang tangkok manangkok, disebut Cicak vs Buaya jilid duo. “Kalau mode tu terus, kapan ka maurus rakyat lai. Untuang ambo indak sata memilih. Kalau ndak lah sato lo ambo mamiliah pamimpin nan kaliru,” ulas Datuek Sati, sambil meluruskan letak batu akiak di tangan kanannyo yang merek lumuik Sungai Dareh nan agak miriang saketek. “Kalau itu ambo ndak lo sato do mak, ambo waktu itu lalok se sampai sanjo,” tutur Riswan lagi. “Baa waang indak kalalok, kalau malam waang habiskan wakatu di lapau main koa, siang tu yo lalok waang,” terang Malin Marajo lagi, manjawek ucapan Riswan, nan disambuek galak tawa dek hadirin nan hadir di lapau tu***

Indak Nyambuang.......

Indak Nyambuang.......

Riak Danau Unknown   09:54

OLEH: WANDY

Indak Nyambuang.......

          “AWAK baco di KORAN PADANG hari kini, kabanyo banyak mantari nan akan diganti. Kalau baitu awak satuju bana mah, sabek  banyak dari apak-apak tu nan indak tau fungsi dan tugasnyo,”  ujar Astra, seorang staf walinagari, katiko bacarito seusai makan lontong di lapau Si Iyen, kawasan Bukik Gompong, Rabu Siang kapatang.

            “Batue itu mah Astra, awak caliak negara awak ko yo sabana kacau balau. Indak masalah partai se nan duo pemimpinannyo do. Masalah sepakbola sebagai olahraga rakyat, kabanyo alah centang parenang lo. Andeh, pusiang awak dek inyo. Kalau mode tu se taruih, takana awak zaman Pak Harto, negara ko aman. Urang indak barani asa mangecek se do,” jawek Andi bule, seorang tokoh Partai Politik tanamo di Kabupaten bumi penghasil bareh tanamo tu. “Kalau bisa, awak baliak ka zaman pak Harto, yo sabanan aman negara ko. Meski manuruik isu nan di danga, banyak kroni beliau nan korupsi, tapi negara aman. Kan iyo dek Uda Andi tu,” jawek Astra kembali. “Kalau masalah korupsi, sampai bilo se di negara awak ko indak akan punah do. Kok ado KPK nan manangkok, KPK tu akan ditangkok urang pulo. Jadi yo kasinan riumik kamari bedo jadinyo,” kecek Andi Bule.

            “Ambo danga tadi ado mantari ka diganti. Rancak itu mah! Mantari nan kiniko alah agak banyak tingkahnyo. Patang jawi ambo lah minta bana untuek disuntik hamil, keceknyo ubeknyo habis. Tigo bulan nan lalu mode tu pulo, tapi keceknyo mantari tu sadang pulang kampuang ka Pasisie. Mantari nan surang lai alasannyo bininyo baranak ketek. Ondeh, padohal awak lamo manunggu maso jawi tu biar kandungannyo subur. Kalau mantari  hewan tu indak disiplin, nan taniayo kami para peternak jawi. Nan bedo bana, jawi alah gadang, dimaliang pulo dek urang,” sambuang Mak Kusim, nan dari tadi asyik mandanga Astra bicara masalah pergantian menteri Kabinet Jokowo. Tapi dek Mak Kusim kurang faham, dikecekannyo mantari hewan nan batugas di kecamatan ko nan kabaganti. “Andeh, indak nyambuang amak Kusim ko do mah. Nan kadiganti itu menteri di pusat. Bukan mantari suntik hewan. Kalau kamangganti mantari suntik hewan tu, datang selah ka Dinas Peternakan, laporkan keluhan amak disitu,” kecek Andi Bule, agak sedikit kesal mandanga Mak Kutar manyolo pembicaraan, tapi indak nyambuang pulo.

            “Nan pentiang bana, jan sampai awak di daerah ko sato panik mamikian komplik di pusat tu. Apolai dek bakacamuek duoalisme kepemimpinan Partai Golkar dan Partai PPP nan sampai kini indak ado kapastian, mako kader-kader partai dari duo partai tu nan akan maju menjadi Bakal Calon Walikota dan Bupati, kini jadi tahambek langkahnyo. Sabek kalau malamar ka partai lain, urang-urang tu alah punyo kader tersenediri. Kan nan rugi urang daerah dek komplik elit di pusatko. Disurueh islah, urang tu gengsi,” terang Astra, sambia mamasan kopi panas, sabek carito makin sore makin angek, saangek kopi panas nan baru dipasan Astra. “Ondeh, yolah sabana santiang waang kini Astra. Padohal baru duo bulan awak indak batamu. Ko dek acok baco berita politik jo di KORAN PADANG mah. Tapi nan jaleh bana, awak urang daerah, indak usah pulo panik mamikian kacau balau di pusat tu. Kan alah ado presiden nan maurus,” sela Andi Bule, sambia maangkek telephon BBnyo, nan baru babunyi. “Sorry Astra, ambo pamit duluan, anak ambo minta dijapuik baru pulang dari baraja sore. Sabek akan mengikuti ujian kenaikan kelas bulan di mungko ko,” jelas Andi Bule, sambia langsuang badiri***

Narkoba Masuak Kampuang

Narkoba Masuak Kampuang

Riak Danau Unknown   06:16

OLEH: WANDY

Narkoba Masuak Kampuang

            “MAK, wak baco di KORAN PADANG, hampia satiok hari berita penangkapan narkoba kini. Kok modeko yolah sabana rusak moral anak bangsa. Manuruk amak, sia kiro-kiro nan batangguang jawek masalah iko go?,” tanyo Andy Bule, ka Mak Malin Sampono, sarupo biaso, sambia mambuka ota di lapau politik milik Da Indra, Kawasan Kayu Aro, Rabu kapatang.

            “Kok iko pertanyaan nakan ko, yo sabana sulik mamak manjaweknyo. Sabek baa lo mamak kamanyalahan urang satu perciek, masalah narkobako iyo alah menjadi tangguang jawek kito basamo. Indak sikola, walinagari, camat, ustad, pemerintah daerah, presiden tamasuak jo Andy bagai. Sabek kabanyo pemakaian narkobako alah marambah sampai katingkek bawah. Tamasuak di Ranah Minang ko sendiri,” jawek Mak Malin Sampono, sambia mahisok rokok kreteknyo dalam-dalam. “Tapi kok saparah iko peredaran narkoba, sampai manusuak masuak ka kampuang-kampuang, tantua awak paralu waspada jo anak kamanakan awak. Jan sampai terjerumus lo ka lembah narkoba tu. Kok paralu wak curigai gerak-gerik anak-anak mudo kito nan acok baprilaku aneh. Awak indak manuduah do, tapi wak paralu waspada,” tarang Andy Bule, nan ikut bana prihatin mancaliak maraknya peredaran obat-bat terlarang ko dikalangan generasi muda dan juga tua.

            “Tapi manuruk amak, nan paralu bana ditakankan kapado anak ponakan kito adalah, pataba paga diri jo ilmu agamo. Ajaan kaanak-anak, hormati nan tuo, jan sampai mudah tarayu dek bujukan urang. Sudah tu, di sakola-sakalo paralu bana baraja Pendidikan Moral Pancasila dan pendidikan agamo. Bia bangsa awakko bamoral baliak,” jawek Mak Malin Sampono, nan tangannyo tampak mauleh rokok nan tingga puntuangnyo sajo. “Apo manuruk Mak Malin panyuluhan narkoba nan acok di lakukan dek pemerintah jo pihak kepolisian sarato BMN indak efektif?,” ujar Andy Bule, bak tanyo wartawan sebuah televisi swasta nan sadang mewawancarai salah seorang pakar narkoba. “Panyuluhan tu tantu ado gunonyo. Namun nan paralu bana, mental para pejabat dan penegak hukum sarato guru paralu dibenahi. Sudah tu, apo satiok diri awak alah batanyo, jo apo anak awak diagiah makan. Maksud amak, apo lai jo pitih halal atau haram anak awak tu diagiah makan. Kok jo pitih haram, jan disalahkan anak-anak baprilaku indak elok. Sabek manuruk agamo, kalau masalah harato atau pitihko, di akherat bana ado duo pertanyaan. Dari ma pitih awak dapek, untuak apo digunoan,” tarang Mak Malin Sampono panjang lebar.

            “Batua kecek Mak Malin tu mah, Ndy! Pitih atau harato nan wak dapek kini, bisuak kalau mati kaditanyo sumbernyo dek malaikat. Makonyo pitih urang jan pitih awak juo. Harato urang bukan harato awak. Indak main hantam kromose do,” sela Astra, nan dari tadi sibuk main catur jo Da Indra. “Alah, waang indak faham nan kami diskusikan ko do, Astra. Karajo awak alah jaleh surang-surang. Rancak ang urus bini waang nan banyak tu. Iko carito urang gadang-gadang mah,” jawek Andy Bule, musuah babyutan Astra.

            “Pokoknyo, mulai kini wak agiah anak ponakan awak nasehat, jan sampai satolo tajun ka narkoba. Kok ado urang nampak mamakai atau mangedarkan narkoba, capek laporan ka polisi atau ka walinagari. Itu mungkin lebih efektif,” jaleh Mak Malin Sampono, nan dijawek dek Andy Bule sambia maangguak-angguak tando mangarati***

Maaliahkan Paratian

Maaliahkan Paratian

Riak Danau Unknown   11:03

WANDY

Maaliahkan Paratian

            “BAA kok buruak bana manuang Mak Malin kiniko. Apoko ado masalah jo mintuo awak di rumah?,” tanyo Andy Bule, nan sajak tibo di lapau politik milik Da Indra, Andy mancaliak Mak Malin Sampono agak banyak bamanuang, indak sarupo biaso ado se nan kadiotaan Mak Malin Sampono tu. Tapi alah agak satangah jam duduak di lapau tu, Mak Malin labiah tanang dan matonyo sibuk manonton Tivi nan sadang menyiarkan berita Menteri ESDM dibarantikan     dek presiden karano diduga memiliki duo KTP alias KTP ganda.

            “Baa indak kaibo ati amak dek Andy! Di negara awakko kini alah banyak nan kacau, indak jaleh ujuang pangkanyo. Saketek-saketek ribuk, samantaro kasus korupsi, narkoba dan teroris banyak nan alun jaleh ujuang pangkanyo. Sudah tu, kasus Mirna minum kopi sianida yag diagiah racun dek kawannyo Jessica, hampai mahiasi layar tivi tiok hari. Samantaro masih banyak kasus lain nan alun tuntas. Apo pulo maksud para pemimpin negeri kitoko dek Andy tu?,” jawek Mak Malin Sampono, nan biasonyo tiok duduak mambaka rokok keretk kesukaannyo. Tapi sajak mandanga rokok akan dianaikan haragonyo dek pemerintah manjadi 50 ribu sabungkuhnyo, Mak Malin sangajo baraja baranti marokok, karano indak mungkin  mangaluan pitih 150 sahari hanyo untuak mambali rokok, sabek Mak Malin bisa mahabiskan tigo bungkuh rokok tiok hari. “Oo, kalau masalah tu, amak sarupo indak tau se mah. Tapi di negara awak banyak urang politik, mako alah jaleh tujuannyo agar kasus nan lamo bisa ilang kalau ado kasus nan baru. Makasuk Andy, tujuannyo untuak maalihkan paratian publik mah, Mak,” jawek Andy Bule, nan jari tangannyo sibuk mambaleh WA dari kawannyo nan tingga di Kota Metropolitan Jakarta nan mananyoan apoko buah markisa jo ika bilih produksi Solok masih banyak ju di jua di sepanjang jalan Sumatera di daerah tu. Sabek inyo mandanga ado lurang manggaleh nannyo antak dek oto fuso nan sadang putuh rem.

            “Sudah tu, ati amak batambah sadiah , sabek salah sorang Menteri asa Ranah Minang, yakni Menteri ESDM, Pak Alcandra Tahar,  alah dibarantian dek apak Presiden, karano diduga dikompori dek urang partai politik nan indak mandapek jatah Menteri. Atau apo mungkin apak Presiden awakko mambuek malu urang Minang, sabek belaiu kalah telah di siko,” tarang Mak Malin Sampono nan baru mulai mangaluan rokok kretek dari dalam sakunyo. “Hahaha, amak Malin ko bisa sajo mah! Bisa jadi nan amak kecekan tu batue juo. Tapi labiah rancak awak bapikia positif sajo, bialah karajo nan gadang-gadang diurus dek para pejabat negara ko. Tugeh awak baa paruk anak bini bisa makan dan dapua bisa barasok. Kok mangecek awak beko, bi tasingguang apak-apak pejabat tu dek awak,” tarang Andy Bule, sambia tagalak-galak ketek. “Sabanyo banyak nan jadi pikiran dek amak mah, Ndy! Sarupo kasus bandar narkoba nan dihukum mati patangko yaitu Bapak Feri Budiman nan mangecekan baraso banyak para aparat penegak hukum nan alah manarimo jatah dari hasil penjualan barang haram tu. Tapi kok iyo bana kecek apak tu, manga indak ditunda hukuman mati nan divonis ka baliau. Alah dihukum mati, baru kasusnyo mangapuang. Apo iko indak politik juo dek Andy tu. Kok dibairkan apak tu manjadi saksi, mako mungkin banyak aparat penegak hukum nan kapanehan dek inyo mah,” sindie Mak Malin panjang leba.

            “Tapi itu politik juo mah Mak Malin. Labiah rancak karajo awakselah diurus. Negara ko biaselah para pejabat negara tu nan mamikian.” Sela Astra nan kaliko asyik manonton tivi, sabek Da Indra lawan tandiangnyo sadang ado paralu ka kota Bangkuang di Padang***

Tagalak Surang Se

Tagalak Surang Se

Riak Danau Unknown   10:30

OLEH: WANDY 

Tagalak Surang Se

            “AWAK Caliak dari tadi, agak acok ang galak surang mah Ndy. Lai go aman-aman se?,” tanyo Mak Malin Sampono ka Andy Bule waktu duduak di lapau politik milik Da Indra, Rabu sore kapatang.

            “Baa pulo kok model tu pertanyaan amak ka awak ko. Amak kiro awak lah gilo yo? Awak galak tu bukan dek alah kanai, tapi wak takana dek waktu jalan tadi siang, dima kalau wak batanyo ka masiang-masiang pendukung calon, urang tu alah barani mangecekan raso calon nan inyo dukuang tu nan kamanang pado Pilkada bisuekko!. Ntu baa lo awak indak kagalak dek amak du. Nan awak tau, dari tigo pasang calon tu, nan kamanang pi hanyo ado sapasangnyo,” tarang Andy Bule, manjawek pertanyaan Mak Malin Sampono nan alah menjadi teman sekaligus lawan debat politiknyo sajak duo tahun terakhir. “Kalau itu alah biaso nah, Ndy! Sia lo nan ka amueh dikatoan jagoannyo akan kalah. Makonyo wak caliak se tanggal 9 tu. Pasti suaro tabanyak nan kajadi pamanangnyo mah! Jawek Mak Malin Sampono ka Andy Bule sangat diplomatis. “Kalau itu jaweknyo wak lai picayo nah mak! Sabek suaro tabanyak pasti nan kajadi Bupati, kalau nan duo pasang lai tantu akan baliak ka karajonyo masiang-masiang,” balas Andy Bule.

            “Waang lai kasato mamiliah tu, Ndy? Kalau indak sato mamiliah, itu namonyo Golput alias indak punyo pandirian tu. Gunokanlah hak suaro awak, sabek bak kecek pakar politik Kabupaten ko, ciek suaro sangat manantukan nasib Kabupaten Solok Limo tahun kamungko,” cetus Mak Malin Sampono. “Kalau awak dari dulu alun ado nan ndak sato mamiliah lai mak. Tamasuek mamiliah si Iyen ka manakan amak tu untuak dijadikan bini. Tapi dek amak indak buliah. Amak kecekan awak indak sanggup maagiah makan kaponakan amak tu, kini inyo alah balaki jo bandar BT. Alamat alah sasek panumpang dek supir mah. Baa jo kini kamambaliakan lai, nasi alah manjadi bubue,” sindia Andy Bule ka Mak Malin Sampono. “Baa pulo kok sampai ka carito Iyen ko. Tapi tema wak kiniko masalah Pilkada dan Golput,” tarang Mak Malin Sampono nan alah mambari judul debat sore tu. “Haa haha, amak kiro carito awakko seminar nan ado pulo judulnyo. Iko ko kalau di koran namonyo carito lapeh mah, Mak!,” ceplos Andy Bule agak tagalak gadang dek mandanga Mak Malin Sampono alah manyabuik judul debat politik sore tu.

            “Itulah, Ndy! Awak ko maota harus pakai judul agar carito indak kalua dari tema. Sadang calon Bupati jo Wakil Bupati se badebat ado temanyo dan mamakai dana nan indak saketek, apolai awak nan di mato urang sakitar lapau ko alah dibari gala pengamat politik pinggiran, namun buktinyo wak bisa tau tando-tando alam, seperti kalau galok dimudiak batando hari akan hujan mah,” kato Mak Malin Sampono sambia cimeeh. “Kalau itu bisa sajo urang sadonyo tu mak! Itu samo sen jo kalau awak lapa ubeknyo makan dan kalau aus ubeknyo minum dan kalau kanai wak bao ka Rumah Sakik Gaduik,” garah Andy Bule.

            “Tapi nan awak baharok agar di Kabupaten awakko yo lahia pamimpin nan pro ka rakyat, nan indak sakadar mancari proyek untuk tim sukses se do. Habis Pilkada, mari samo-samo wak dukuang Bupati dan Wakil Bupati tapiliah. Sabek tujuan demokrasi adalah mancari pamimpin pilihan rakyat, sudah tu walau inyo indak sato mamiliah Bupati nan manang, Bupati jan sampai ado pulo dandan ka daerah atau ka urang pribadi,” ceramah Mak Malin Sampono.

            “Tapi ambo indak yakin kalau sasudah Pilkada ko akan ado kotak-kotak, tamasuek untuak PNS. Nan indak pro ka Bupati tapiliah, pasti akan tacampak. Kontraktor kalau indak mandukuang, limo tahun indak dapek proyek, sarupo tahun lalu tu,” sela Astra, yang dari tadi asyik se mandanga carito Andy Bule jo Mak Malin Sampono. “Waang go tau apo tentang politik Astra. Nan lalu alah balalu, kecek amak tadi pamimpin nan kadipiliah bisuekko, jan sampai mode tu pulo,” potong Mak Malin Sampono, nan balawan bana jo Astra***