WANDY
Mangadu Ka MK
“Mak,
kabanyo sanketa Pilkada awak sampai lo ka MK. Apo juo nannyo masalahkan dek
urang tu lai, Mak?,” tanyo Andy Bule ka Mak Malin Sampono, mambuka ota di lapau
politik milik Da Indra, Kawasan Kayu Aro, Rabu sore kapatang.
“Iyo,
Ndy! Itu biaso tu mah. Selain itu, mengadu ka MK tentang masalah sengekata
Pilkada, itu adolah hak satiok kandidat atau calon kepala daerah yang merasa
tidak puas atau dirugikan dengan hasil Pilkada. Tapi biasonyo kalau alasannyo
indak tapek, hasilnyo akan sio-sio sajo. Sabek urang nan duduak di MK tu alah
hebat-hebat dan cerdas-cerdas serta basikola tinggi sampai ke Amrik bagai.
Kalau kiro-kiro indak masuak diaka, seperti minta pilkada digelar ulang, mako
jarang nan akan dikabulkannyo,” jawek Mak Malin Sampono, yang juga mantan salah
satu pengurus teras Partai Politik di zaman pak Harto dulu. “Kalau mode tu,
janji pilkada badunsanak siap kalah dan siap manang, tampaknyo indak bajalan
sasuai janji para kandidat diawal kampanye. Artinyo, para kandidat yang kalah
tu indak bana-bana siap kalah do,” terang Andy Bule sambia mambaco KORAN PADANG
nan alah menjadi bacaan utamo di kadai politik milik Da Indra tu, terutama
masalah kurang harmonisnya hubungan wartawan dengan Humas DPRD Kabupaten Solok
akhir-akhir ini.
“Hahaha,
mano pulo ado urang siap untuak kalah ko, Ndy! Kecuali hanyo kesatria baja
hitam yang ado di tivi-tivi nan awak caliak. Kalau dalam dunia nyata, nan siap
kalau tu dari 1000 kandidat, mungkin hanyo ado agak duo,” ujar Mak Malin
Sampono. “Iyo juo tu nah Mak Malin, sabek kalau memang alah ado urang nan siap
kalah, mako itulah manusia satangah dewa. Artinyo agak langka urang nan
kamanarimo kakalahan tu dengan jiwa lapang dado, nan ado raso manyasa, andai
dulu indak sato Pilkada indak akan habih pitih bajuta-juta do. Selain itu, ado
juo nan manyasa, andai dulu indak bapasangan jo si Anu atau lain sebagainyo
mungkin indak akan sarupo kini,” tarang Andy Bule, seperti pengamat politik. “Sabananyo
kalau lai pado bajiwa besar, indak akan ado urang nan mangadu ka MK tu do. Nan
jaleh bana satau amak, kalau urang lah kalah tu ado sajo alasannyo. Nan KPU
indak fair lah, nan politik uanglah nan dibaco atau lai sabagainyo. Pokoknyo
sagalo alasan akan inyo cari, karano pitih untuak kampaye tu indak saketek nan
alah habih, ratusan juta bahkan sampai bermilyaran rupiah. Sadang kahilangan
pitih limo puluah ribu sen zaman bisa tabik paluah kuniang kaikua deknyo,”
cetus Mak Malin Sampono agak panjang leba.
“Apo
nan disampaian amak Malin Sampono tu bana nah, Ndy! Awak sen dulu pernah
kahilangan dompet, meski isinyo Rp 20 ribu, tapi kalanpasiangan juo awak
dibueknyo. Apolai pitih nan hilang Milyaran. Indak tabayang dek awak do, jan
kalalok, makan sen walau jo cincang taraso jo ikan asin senyo alias indak
kataraso lamak bagai do,” sela Astra, situkang banyak bini nan dari tadi masih
sibuk men ‘like’ status cewek, terutamo nan jomblo di facebook melalui
Handphone Black Berynyo. “Alah, waang apo nan katau tentang politik, karajo ang
pi gilo kababini sen,” sela Andy Bule, yang merupakan musuh bebuyutan Astra dan
disambut galak tawa dek saisi lapau, tamasuk Astra. Meski urang manggalakan
inyo, tapi Astra sato lo galak gadang. Sarupo Astrakolah bantuaknyo urang nan
bajiwa besar, meski urang manggalakan dirinyo, tapinyo sato lo galak gadang.
Andeh!***
No comments:
Write komentar