Musim Maliang Onda

Oleh: WANDY

Musim Maliang onda 

            “Amak baco di KORAN PADANG dalam sapakan tarakirko, iyolah sabanak marak urang mancilok onda di Kabupaten Solok ko. Bahkan honda urang sadang sumbahyang Jumek di mbatnyo juo.  Baa bana caritonyo, Ndy! Kok maliang onda ko makin mararah kini, apo dek ekonomi awak nan sabana sulik?,” tanyo Mak Malin Sampono ka Andy Bule, sarupo biaso katiko duduka-duduak di lapau politik milik Da Indra kawasan Kayu Aro Rabu kapatang.

            “Iyo nah Mak Malin! Alah samo pulo kampuang awak jo kota Metropolitan Jakarta kini. Antah dek ekonomi atau antah dek maleh karajo kareh, sahinggo mancilok punyo urang sarupo maambiak punyo wak surang sen. Iyo sabana lalah lai, Mak!,” jawek Andy Bule, sambia mamasan teh manis kasukaannyo ka urang kadai. “Sabananyo, kalau wak pikia-pikia, iyo pengamalan ilmu agamo bana nan alah jauah marosot di zaman kiniko. Kok urang lai menerapkan ajaran agamo dalam kahidupannyo sahari-hari, mungkin indak katajadi urang maliang nan pancilok tu maambiak punyo urang sarupo punyo inyo surang sen,” .baleh Mak Malin Sampono agak gemes kecek rang kini mambaco urang maliang kendaraan alias curanmor. “Kok model ko maraknyo urang nan mancilok onda, yo alah paralu bana awak kini waspada lai, Mak! Sudah tu ka anak sikola jo nan ABG, paralu juo wak ingekan supayo jan manyalangan onda kapado urang nan kurang nan baru dikenal. Sabebk bisa nyo larian se onda tu sarupo nan tajadi di Tugu Ayam kapatangko. Inyo pura-pura maminjam onda untuak manjapuik pacarnyo, eh tau-tau nyo larian onda tu dan kabanyo alah diagadaian pulo di Cupak,” jaleh Andy Bule panjang leba. “Itulah modus sarupo lamo juo mah, Ndy! Sabananyo kok awak lai waspada, indak katajadi gai kajadian sarupo itu do. Tapi kok urang pancilok ko, akanyo yo sabana panjang untuak malancarkan aksinyo. Iyo alah profesional kecek urang kini,” timpa Mak Malin Sampono, nan tangannyo masih tatek mamuta-muta rokok kretek nan siap untuak dibakanyo, maklum Mak Malin Sampono dikenal parokok barek. Sahari bisa ampek bungkuh, ditambah jo maisok rokok  kawan samo duduak.

            “Tu baa, Mak! Alah tatangkok urang maliang onda tu dek polisi. Kok indak bekonyo kamalarah mancari mangsa atau korban nan lain. Jan-jan anak ondak anak awak nannyo ciloknyo beko. Kok dapek iyo wak baka se urang pancilok, du Mah,” tibo-tibo Uni Benti bini Da Indra pemilik kadai sato lo maota dek saking gemesnyo mandanga acok bana kajadian curanmor di Kabupaten Solok. “Ado juo nan tatangkok mah Buk Ben! Tapi kan jaringan urang curanmor ko wak caliak yo banyak. Bisa juo pelaku curanmor ko sa grub jo palaku narkoba atau maliang jawi gai. Tu iyo wak sarahan ka apak-apak di kepolisian tu mah. Tapi kok bisa jan lah dibaka, wak sarahan selah ka apak polisi, biar penegak hukum nan mamperoses. Kalau indak tatangkok di dunia ko urang maliang tu, di akirek aka manarimo jatah azab juo tu mah,” sela Astra nan dari tadi malongo se manonton sidang Jesica yang dituduh maracun Mirna dengan mamasukan bubuk cairan Sianida ka dalam kopi konconyo tu dan di tuntut 20 tahun panjaro dek pak jaksa di salah satu tivi swasta.

            “Hahaha, tumben ang bana mangecek sakali ko Astra. Biasonyo ang mangecek indak ado nan kadipacik ciek juo do! Kecek Andy Bule, nan biasonyo urang baduo tu indak pernah akur, alias bacakak sen***