WANDY
Sapu Barasiah Sagalo Pungli
“Andy, kabanyo sagalo bantuak
pungutan liar alias pungli akan dihapuskan dek pemerintah awak. Apo yo lai
batua kaba tu, Ndy? Tanyo Mak Malin Sampono, sarupo biaso katiko sadang duduak-duduak
di lapau politik milik Da Indra, kawasan Kayu Aro, nan indak jauah dari Tugu
Ayam Arosuka.
“Itu batue mah, Mak Malin! Tapi awak
masih ragu juo baru, sabek di negara awak ko banyak peluang untuk melakukan
pungli, baik dalam pembuatan SIM atau nan ado TPR. Bantuaknyo sajo nan pungutan
retribusi, tapi kenyataannyo labiah banyak maarah ka praktek pungli. Tamasuak
salamoko JTO-JTO nan ado di daerah awak,” jawek Andy Bule, sambia mancari iklan
jua bali oto di KORAN PADANG. “Kok nan sakali ko, iyo patuik lo awak acuangkan
ampu tangan untuak apak Presiden Jokowi. Sabek baliau tu ikut pulo turun dalam
OTT atau sapu bersih dugaan praktek pungli di Dinas Perhubungan alun lamo ko,”
jawek Mak Mlin Sampono, nan matonyo indak lapeh manonton Tivi, mancaliak
persiapan demo tanggal 4 bisuak di Jakarta. “Kalau itu iyo mah, Mak Malin. Apak
Presiden awak tu kok bisa indak tangguang-tangguang dengan mambantuak tim
satuan tugeh pambarantasan pungli atau saber pungli. Tapi apak Presiden arus
juo mangaluakan peraturan Presiden khusus, agar dalam pambarantasan pungli tu
basinergis pulo kamenterian takaik, sarato apak-apak dari Polri. Gunonyo adolah
untuak mangtasi karesahan sosial nan tajadi di masyarakat, agar janji apak
presiden Jokowi tu bisa tawujud untuak manjalankan nawa cita dan
mangoperasionalkan program revolusi mental nan dijadikan sebagai landasan
untuak maatasi pungli tadi tu,,” tarang Andy Bule panjang leba.
“Tapi kok bisa, pungli babantuak
calo nan ado dalam pambuatan SIM dan lain sabaginyo kok bisa arus harus juo di
barasiahkan dek apak presiden awak. Bia masyarakat indak ado lai nan mangaluah
dan nan nyo pakuak dek urang-urang nan hanyo mancari kauntuangan samato,” harap
Mak Malin Sampono, sambia mambaka rokok karetek nan alah manjadi bahan
inspirasi dek Mak Malin. “Itu awak satuju bana mah, Mak! Jan ado juo praktek
paremanisme dalam hal palayan ka masyarakat lai. Pajabat diangkek dan digaji jo
pitih rakyat, untuak malayani masyarakek, bukan malah minta dilayani pulo,”
cetus Andy Bule, nan tangannyo langsuang mamuta layar Handpone, sabek ado bunyi
nada dariang ping dari BBM hapenyo.
“Alah, manga lo masalah pungli tu
awak ributkan. Nan paralu dek awak ko, asa lai indak manggaduah awak, pabiakan
sajolah urang tu babuek sakandak atinyo. Beko di akirek inyo juo nan
kamanangguang dosonyo nyo,” sela Astra, nan satio ari patang, pasti maaduk utak
jo pamilik lapau politik Da Indra. “Waang anok selah Astra, iko carito urang
gadang-gadang mah. Alun tamakan gai dek utak waang do. Labiah rancak ster itam
ang tu ang geser, dari padonyo tanduak dek kudo Da Indra baru tau raso,” jawek
Andy Bule, nan mancaliak ster itam Astra sadang taancam dek kudo itam Da
Indra***
No comments:
Write komentar